SOORYO GOBEED "Bun iyo canbuulo" " kurbin iyo qaando , koob iyo shaah waa koor iyo quud, kab iyo suun" Xuseen Sh. Axmed Kadare Sooryo Gobeed waa sooryo lagu sooro gobta"dadka inta fiican" , Waa sooryo wakhti gaar ah iyo xili gaara loo sameeyo dad sharfan , tilmaaman oo milgo iyo maamuus ku qaba shacabka , Waa sooryo lagu soo dhaweeyo dad sharaf , karaamo iyo cisi leh oo haybad ilaahay ku hagoogay. Eeg sawirka sare, waa kurbin " Xeedho", qaando" Fandhaal iyo canbuulo " digir " ku jirta sixni. Sooryada noocan ah waa ta ugu qaalisan ee qof lagu maamuuso marka la joogto magaalada Muqdisho ee gobolka Banaadir iyo Gobolada kale ee ku dhadhaw. Inta badan waxa soo raaca Daango" Salool " iyo Shaah , si marka bunka la marsado , daangada iyo shaahaana la iskugu cuno. Cuntada sifahan leh, waxa lagu sooryeeyaa Culimada diinta oo qaddarin iyo ixtiraam dheeraad ku dhex leh bulshada ...